Varsjá

Falin perla í hjarta Evrópu.

Varsjá er höfuðborg Póllands og um leið stærsta borg landsins með tæplega tvær milljónir íbúa.

Borgin hefur marga fjöruna sopið í gegnum tíðina og kynnst bæði blómaskeiðum og eyðileggingu. Enn er hún þó á sínum stað á bökkum Vistula og er óðum að tryggja sér sess sem ein af skemmtilegustu borgum Evrópu.

Sjón er sögu ríkari.

Varsjá á vefnum:

Google leit: Varsjá
Google kort: Varsjá
Wikipedia: Varsjá

Bóka flug til Varsjár

Polski karamba!

Líf og fjör í gamla bænum í Varsjá.

Einhverjir kunna enn að halda að Varsjá sé ekkert meira en samansafn kaldra og grárra steinsteypukumbalda, þar sem kolarykið liggur þétt yfir öllu. Borgin var enda lögð í rúst af Þjóðverjum í seinni heimstyrjöldinni og þótti hún frem óhrjáleg ásýndar á tímum kommúnismans.

Í dag úir allt og grúir af lífi í borginni og er skemmtilegt að sjá hvernig bæði vestræn og austræn áhrif hafa blandast pólsku borgarlífi. Til dæmis er fjöldinn allur af sögulegum byggingum í gamla bænum (Stare Miasto) –í endurreisnar-, gotneskum, og barrokkstíl svo eitthvað sé nefnt- sem vert er að skoða.

Hjarta svæðisins er síðan að finna við gamla markaðstorgið (Rynek Starego Miasta) með glás af kaffihúsum, búðum og veitingastöðum umkringt miðaldaarkitektúr á alla kanta.

Í raun þarf maður barasta að koma sér þangað og þá er stutt í flest sem maður vill gera; drekka bjór eða vodka (Pólverjar enda annáluð vodka þjóð), versla, borða góðan mat eða skoða merkar byggingar. Þetta verður að teljast „tipp topp“ blanda.

Gamla markaðstorgið er staðsett í miðbæ Varsjár (hvar annars staðar...)

Haust í Varsjá!

Lazienki garðurinn - falinn fjársjóður.

Þegar hausta fer og síðasti séns á að nýta ónýtta frídaga er alveg að renna út er tilvalið að bregða sér í borgarferð til Varsjár í Póllandi. Borgin er fjölbreytt og rík af sögu, en hún var með öllu gjöreyðilögð í seinni heimsstyrjöldinni og hefur því verið endurbyggð að fullu. Jafnvel merkustu byggingar borgarinnar eru nákvæmar endurbyggingar! Henni hefur því oft verið líkt við goðsagnarfuglinn Fönix, sem undir lok ævi sinnar brennur upp – en rís svo upp úr öskunni.

Arkitektúr borgarinnar er sökum þessa fjölbreyttur og býður upp á mörg stórkostleg dæmi allt frá gothneskum stíl yfir í nýklassískan, með viðkomu í endurreisnar-, barrokstíl og fleiri – svo ekki sé minnst á leifar kommúnistastjórnarinnar og nýrri háhýsi. Þá stendur Varsjá við ána Vistula, sem er stærsta á Póllands og það er því sannarlegt stórborgaryfirbragð yfir henni, en Varsjá er sjötta stærsta borg Evrópu.

Einn fallegasti almenningsgarður borgarinnar er Lazienki garðurinn en dýralíf borgarinnar er einstaklega ríkt af tegundum. Í honum má finna páfugla, dádýr, skógardúfur, rauða íkorna (sem víða eru útdauðir í stórborgum), fiðrildi og fleira. Í honum eru líka lækir, síki og fjöldi hýbýla aðalsmanna frá öldum áður. Gestir garðsins hafa stundum borið heimsókn í garðinn saman við að vera stödd í Disney mynd!

Garðurinn er 76 hektarar og var hannaður á 17. öld fyrir Stanisław Herakliusz Lubomirski, sem var pólskur aðalsmaður. Hann komst síðar í eigu Stanisław August Poniatowski, sama ár og hann var kjörinn konungur Póllands. Báðir voru þeir dyggir stuðningmenn menningar og lista og setti Poniatowski á stofn þjóðleihkús Póllands og fleiri menningarstofnanir.

Lazienki garðurinn