Gautaborg

Sænskari en sænskar kjötbollur.

Gautaborg er önnur stærsta borg Svíþjóðar og íbúum hennar þykir hún vera alveg passlega stór. Þrátt fyrir heimsborgaralegan blæ hefur hún sterkan smábæjarsjarma.

Hún er stundum kölluð San Francisco Svíþjóðar enda er mikið af brúm, hæðum, sporvögnum og sjávarréttastöðum í báðum þessum vesturstrandarborgum.

Á sumrin er sjórinn í þægilegu hitastigi til baða og mikið líf á ströndinni og við höfnina í miðborginni. Eyjaklasarnir í flóanum utan við borgina draga að sér gesti allan ársins hring. Hægt er að taka ferjuna og á Vrangö, Brännö, Styrsö, Vargö og jafnvel leigja þar hús eða gista á hóteli.

Gautaborg á vefnum:

Google leit: Gautaborg
Google kort: Gautaborg
Wikipedia: Gautaborg

Bóka flug til Gautaborgar

Krakkar í hákarlagöngunum í Universitarium í Gautaborg

Allt um hana, hann og það

Nátturufræðisafnið er góð skemmtun.

Universeum nátturufræðisafnið í Gautaborg er jafnskemmtilegt og Disney garðurinn og jafnfræðandi og vikunámskeið hjá David Attenbourough. Hér eru nefnilega sex fullar hæðir af regnskógum, pöddum og mönnum. Kíktu á hákarlana á vefmyndavélinni.

Þeim sem hafa meiri áhuga á nýklassískri byggingarlist en pöddum bendum við á Gunnebo húsið, alvöru sænskt slott sem sagt er vera ein fegursta bygging Sviþjóðar. Og ef þeir sem fíla húsið verða ekki sviknir af spilinu.

Universeum er alla daga nema mánudaga frá klukkan 10-18. Gunnebo húsið er opið frá kl. 11 til 18 alla daga

Skútur á siglingu í Gautaborgarskerjagarðinum

Út í eyjum

Siglt um Gautaborgareyjaklasann.

Viðey er ágæt. en eyjarnar fyrir utan Gautaborg eru æði. Þar er nefnilega byggð, bílar bannaðir og fullt við að vera. Síðan er hægt að baða sig í sjónum sem er alltaf skemmtilegt. Báturinn fer frá kajanum við Saltholmen og Gautaborgarpassinn dekkar ferðina − hann er seldur á flestum gististöðum og gæti orðið bestu kaup ferðarinnar.

Ekki er síðra að sigla um gömlu borgarbyggðina, undir brýr og meðfram gömlum síkjum. Sú ferð hefst við Kungsportsbron brúnna.

Sigling í eyjaklasann fyrir utan Gautaborg, innifalin í Gautaborgarpassanum.

Framhliðin á Mauritz kaffihúsinu í Gautaborg

Jätte bra kaffe!

Ekki halda aftur af kaffitárunum.

Mauritz kaffehus er Mokka þeirra Gautaborgara. Hér er hellt uppá bestu kaffibolla bæjarins enda hafa eigendurnir verið í bransanum síðan 1888. Kruðeríið er ekkert síðra enda heimabakað.

Á Kafé Husaren við Haga eru sænskir snúðar í aðalhlutverki en Ljunggrens Kafé er fyrir þá sem vilja ræða málin við innfædda.

Mauritz Kaffehus við Fredsgatan, opið alla daga nema sunnudaga.

Ljósmyndir: Pósedon, Kjell Holmner, Göteborg & Co; Universitarium; skútur, Kjell Holmner, Göteborg & Co