Rín

Sá hluti Rínardalsins sem nær frá borginni Bingen í suðri að Koblenz í norðri er oft kallaður Loreleidalurinn eftir frægum steindranga sem liggur þar í ánni miðri. Á þessum kafla standa um 20 gamlir kastalar vörð hlíðarnar og að margra mati er þarna eitt fallegasta landslag í Evrópu.

Dalurinn er vinsæll pílagrímastaður meðal vínáhugamanna enda vaxa í suðurhlíðum hans sem vínberin sem notuð eru í hin heimsþekktu Riesling hvítvín.

Til norðurs þar sem árnar Mósel og Rín mætast við borgina Koblenz er kallað þýska hornið, eða "Deutsches Eck".

Rínardalurinn, innan við klukkustund frá Frankfurt Hahn.

Móseldalurinn

Áin Mósel á rætur sínar í norð-austur Frakklandi en rennur framhjá Trier og um Móseldalinn í norðurhluta Hunsrück áður en hún mætir Rín við Koblenz. Þetta svæði — Moselland — á sér yfir tvö þúsund ára menningarsögu sem meðal annars sjást merki um í fjöldamörgum litlum vínræktarþorpum, gömlum köstulum og minjum frá tímum Rómverja.

Norðan við Móselhæðirnar, milli Rínar og Ruhrhéraðsins er svo Eifel-fjalllendið, gamalt eldfjallasvæði þar sem finna má margar af bestu uppsprettum hreins vatns á meginlandinu. Þar er einnig dýragarðurinn Eifel-park þar sem hægt er að skoða villt dýr af ýmsum tegundum.

Móseldalurinn, innan við klukkustund frá Frankfurt Hahn.

Nahe

Í suðri rennur áin Nahe um Hunsrück á um 130 km Eifel-fjallendiðlöngum kafla. Nahedalurinn er þekktur fyrir eðalsteina, góð vín, sögufræga kastala og heilsulindir sem notaðar hafa verið frá tímum Kelta og Rómverja.

Nahedalurinn, innan við klukkustund frá Frankfurt Hahn.