Rúsínuputtar í kaupbæti

Vatnsrennibrautir og rússibanar í næsta nágrenni.

Þeir sem taka baðfötin með sér í fríið geta bleytt þau rækilega í vatnsrennibrautunum í Aqualandia í Benidorm og Aquapolis í Torrevieja. Munið eftir inniskónum því því stéttirnar eru sjóðheitar.

Til að þurrka á sér hárið eftir sundferðina er svo best að renna við í Terra Mitica skemmtigarðinn í Benidorm. Þar er nefnilega lengsti viðarr��ssibani í Evrópu.

Aqualandia, innan við klukkutíma frá Alicante

Ekkert bévítans Merlot

Spænska útgáfan af Sideways hefði verið gerð í Jalon.

Jalon er höfuðstaður de Pop dalsins þar sem er fjöldi lítilla og áhugaverðra þorpa. Heimsborgaradeild Iceland Express veit fyrir víst að vínbarirnir í Jalon bjóða bragðgóða hressingu fyrir lítið. Tilvalið að gefa sér tíma í bænum og njóta veiganna. Hér geta áskrifendur Gestgjafans og aðrir sælkerar gert vel við sig í föstu og fljótandi.

Jalon, í 80 kílómetra fjarlægð frá Alicante

Á alla kanta á Alicante

Nokkrar tillögur að áhugaverðum áfangastöðum fyrir samkynhneigða á Alicante.

Þó að flestir tengi Alicante víð sól, sjó, drifhvítar strendur (nema hvað) og rólegheitalíf, þá er gaysenan á Alicante mun fjölbreyttari en margur kynni að halda.

Í götunum í kringum smábátahöfnina má t.d. finna hina ýmsu bari og veitingahús sem stíla inn á homma og lesbíur sem sinn helsta kúnnahóp, þó vissulega séu allir hinir ávallt velkomnir.

Af einstökum skemmtistöðum má nefna Byblos, eitt flottasta diskótekið á Alicante, staðsett í miðbænum.

Á Benidorm, má líka finna líflegt næturlíf fyrir samkynhneigða. Helstu staðirnir á Benidorm er á svæðinu á milli Playa Poniente og Playa de Levante og flestir staðirnir eru á tiltölulega afmörkuðu svæði í hjarta gamla bæjarins.

Enn meiri upplýsingar um hýra staði á Alicante